Իրվին Յալոմ  «Սիրո դահիճ և հոգեբուժության այլ պատմություններ»

Հոգեվերլուծաբան  և տաղանդավոր գրող Իրվին Յալոմն այս ստեղծագործության միջոցով մեզ է հասցնում  այն միտքը, որ մեր յուրաքանչյուր խնդրի, մեծ և փոքր բոլոր մտահոգությունների արմատը մարդկային գոյությանն առնչվող այս հարցերն են․

  • Մեզնից յուրաքանչյուրի և մեր սիրելի մարդկանց մահվան անխուսափելիությունը
  • Մեր անխուսափելի ազատությունը  դարձնել մեր կյանքն այնպիսին, ինչպիսին մենք ենք ցանկանում
  • Մեր ծայրահեղ միայնությունը
  • Կյանքի՝ որևէ ակնհայտ իմաստի բացակայությունը

Յալոմն այս գրքում կիսվում է մեզ հետ  հոգեթերապևտիկ 10 պատմություններով։ Նա մանրամասնությամբ ներկայացնում է ամենատարբեր խնդիրներն ունեցող հիվանդների հետ աշխատելու փորձը․ այն, թե ինչպես է կապված եղել յուրաքանչյուրի խնդիրն ավելի խորն արմատների հետ, ինչպես է տարվել աշխատանքն ու ինչպես է ստացվել օգնել նրանցից յուրաքանչյուրին։ Սա չափազանց անկեղծ գիրք է, որում հեղինակն անդրադառնում է նաև իր ներանձնային կոնֆիլկտին՝  որպես մարդ և որպես հոգեբան, ցույց է տալիս իր ունեցած դժվարությունների և սուբյեկտիվ մոտեցումների հաղթարարման փորձը որոշ «բարդ» հիվանդների հետ աշխատանքում։

Գրքում արտացոլված միտքը, որ մեր յուրաքանչյուր խնդրի արմատն այլ է, քան մենք մտածում ենք, հանգեցնում  է մեզ  լիովին այլ հարթության մտորումների։

Առօրեա կյանքում մեր մտքերն ուղղված են հենց միայն  մեր կենցաղային խնդիրների հաղթահարմանը, որոնք մենք, անշուշտ, կարողանում ենք որևէ կերպ լուծել․․․ Այնուհետև, մի խնդրին հաջորդում է մյուսը․․․ Իսկ  արմատական պատճառը կարող է հաղթահարվել միայն գիտակցված մոտեցմամբ կյանքի նկատմամբ և այլ, ավելի խորը, հիմնավոր հոգևոր գիտելիքով։  Էքզիստենցիալ մտքերը, որոնք ծագում են գիրքն ընթերցելիս, օգնում են տեսնել այդ արմատներն ու առնվազն ցանկություն են առաջացնում կարողանալ ընդունել դրանք և կարողանալ «ապրել դրանց հետ»։ Սա արդեն այլ, ավելի խորը, ներքին, հոգևոր աշխատանք է։  Կարծում եմ՝ գրքի  հիմնական իմաստն ընթերցողին մի քայլ մոտեցնելն է այդ աշխատանքին։

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s

This site uses Akismet to reduce spam. Learn how your comment data is processed.