Ու՞մ համար է այս գիրքը: Բոլոր նրանց, ում կյանքն այս կամ այն կերպ կապված է գրելու հետ:
Ինչպես նշում է հեղինակը, գիրքը թե ՛ գրողների, թե ՛ գիտնականների, թե ՛ խմբագիրների, թե ՛ քոփի ռայթերների, թե ՛ մենեջերների համար է… Այլ կերպ ասած՝ բոլոր նրանց, ովքեր բառերի միջոցով ազդեցություն են թողնում իրադարձությունների ընթացքի վրա:
Այս իմաստով գիրքն ասելիք ունի յուրաքանչյուրին:
Իհարկե, գրելն այն ունակությունը չէ, որ կարելի է պարզապես ձեռք բերել … Եվ, կարծում եմ, չկա որևէ գիրք, որ հավակնում է և կարող է «գրողներ ստեղծել»: Այնուամենայնիվ, կան որոշակի գիտելիքներ և հմտություններ, որոնք գրողի համար իր սիրելի գործունեությունը դարձնում են ավելի հարմարավետ: Յուրաքանչյուր գրող իր փորձի ընթացքում բացահայտում է այդ հմտությունները: Եվ իր փոքրիկ գաղտնիքներով կիսվելն այլ գրողների հետ իսկապես հրաշալի գործ է:
Այս գրքի հեղինակն, ով լրագրող, խմբագիր և գրող է, անդրադառնում է գրելու ամենատարբեր ժանրերին՝ նամակ, հարցազրույց, հոդված, պատմվածք և այլն: Կարծում եմ՝ յուրաքանչյուր ընթերցող այս գրքում կգտնի մի քանի հուշում, որոնք հետագայում իր համար որոշակի իրավիճակներում օգտակար կլինեն:
Արմինե Հակոբյանի ստեղծագործական բլոգ 