Рубрика: Գրքերի աշխարհ

«Դրախտը գրադարանի պես մի բան է» չեմ հիշում, թե ով է այս մեջբերման հեղինակը, բայց համաձայն եմ իր խոսքերի հետ․․․
Ես իսկապես սիրում եմ կարդալ…
Մարդուն աշխարհի հետ իր ներաշխարհին համապատասխան երկխոսություն է պետք սեփական էության պահպանման համար: Հաճախ այդ երկխոսությունը այլ (տվյալ փուլում մեր կյանքում ներկա) մարդիկ և իրադարձությունները չեն կարող ապահովել… Իսկ եթե մարդը չի գտնում այդ երկխոսությունը, նա ներքուստ աստիճանաբար սպառում է իրեն… Ներաշխարհը, այսպիսով, սոված է մնում, և մարդը կորցնում է իր էությունը…
Տեսականորեն այս կորցրած երկխոսության վերականգնման երկու ուղի կա` մեզ համար հետաքրքիր մարդիկ և գրքերը: Առաջիններին գտնելու հարցում ես ոչինչով օգնել չեմ կարող, երբեմն անգամ` ինքս ինձ, իսկ երկրորդների հարցում` կփորձեմ ։
Այստեղ իմ սիրելի գրքերն են։ Գրքեր, որոնք հետք են թողել իմ մտքում և հոգում, գրքեր, որոնք եթե անգամ ոչ իրենց բովանդակությամբ, ապա փոխանցած էմոցիաներով անջնջելի են իմ հիշողությունից․․․ Գրքեր, որոնցից յուրաքանչյուրի շնորհիվ ես սիրել եմ ընթերցանությունն ավելի ու ավելի․․․ Գրքեր, որոնք այլ երանգներ և գեղեցկություն են հաղորդում կյանքին և հաղորդելու են միշտ․․․ Եվ, վերջապես, գրքեր, որոնցից ոչ մեկի հետ իմ հանդիպումը կյանքում պատահական չի եղել։ Այո, ես հավատում եմ, որ մարդը միշտ հանդիպում է այն գրքերին, որոնց ներքուստ արդեն հասել է․․․ Հանդիպում է պատահաբար, առանց հատուկ փնտրելու, սակայն հենց այն գրքերին, որոնց ասելիքը հենց այդ պահին նրա կյանքում ճակատագրական է։ Իմ կյանքում այդ օրինաչափությունը պահպանվում է միշտ։
Եվ ցանկանում եմ, որ յուրաքանչյուրը, ով կբացի բլոգիս այս բաժինը (պատահաբար կամ ոչ) և կծանոթանա իմ սիրելի գրքերին, ընտրի իր համար հենց այն գիրքը, որը տվյալ պահին ամենից շատն է անհրաժեշտ նրան։
Իսկ եթե Ձեզ հետ մեր գրական ճաշակները համընկնում են, ես Ձեզ այստեղ սպասում եմ միշտ, քանի որ շաբաթական 1- 2 գիրք ավելացնելու եմ՝ ամեն անգամ հուսալով, որ կօգնեմ Ձեզ ընթերցանության համար հաջորդ գիրքն ընտրելու հարցում։

Գրքերի աշխարհОставить комментарий

Стив Харви. Поступай как женщина, думай как мужчина

armineh

Երևի չկա որևէ կին, ում չհետաքրքրի, թե ինչ են իրականում զգում և մտածում տղամարդիկ այս կամ այն իրավիճակնում, որոնք են նրանց գործողությունների մոտիվներն ու իրական պատճառները… Մենք, լինելով ի ծնե հմուտ քննիչներ, մեր սիրելի տղամարդուն «հետազոտելիս» կարող ենք աներևակայելի հեռուներ գնալ, ցնցող բացահայտումներ անել և չնայած այդ հանգամանքին, երբեմն, այնուամենայնիվ, մեր աչքից վրիպում է ամենաակնհայտը, ամենապարզն ու հասարակը: Պարզապես տղամարդկային հոգեբանությունն այլ է, և դատելով որպես կին՝ դժվար է նրանց հասկանալը: Եվ ահա այս դժվարությունը հաղթահարելու գործում իր օգնությունն է մեզ առաջարկում Սթիվ Խարվին, ով հումորային ծրագրի հաղորդավար է և իր աշխատանքային փորձի արդյունքում եկել է ամուր եզրահանգման, որ կանայք … Читать далее Стив Харви. Поступай как женщина, думай как мужчина

Ваша оценка:

Գրքերի աշխարհ1 комментарий

Корней Чуковский. «Высокое искусство. Принципы художественного перевода»

armineh

Թարգմանության շնորհիվ գեղարվեստական գրականության լավագույն ստեղծագործությունները շրջագայում են աշխարհով մեկ և գրավում բազմաթիվ սրտեր։ Սա ենթադրում է գրականությամբ զբաղվողների և առհասարակ բոլոր ընթերցողների կողմից խոնարհում թարգմանիչների առջև, իսկ թարգմանությամբ զբաղվողների կողմից մոտեցում իրենց գործին մեծագույն նվիրվածությամբ, մեծագույն պատասխանատվությամբ, մեծագույն զգուշությամբ․․․ Չէ՞ որ աշխարհի մեծերին աշխարհով մեկ ճանաչում են հենց նրանց միջոցով։ Այս գիտակցումով Կոռնեյ Չուկովսկին մի մեծ աշխատություն է նվիրել գեղարվեստական թարգմանության բարձր արվեստին։ Ո՞վ է գեղարվեստական թարգմանիչը, ո՞րն է նրա առաքելությունը, ի՞նչ սկզբունքներով նա պետք է առաջնորդվի․․․ Ինչպիսի՞ն պետք է լինի հաջողված թարգմանությունը, ինչպե՞ս կարող է թարգմանիչը այլալեզու հեղինակի ստեղծագործությունը փոխանցել իր հայրենակիցներին պահպանելով կարևորը՝ հեղինակի ոգին, շունչը, ստեղծագործության … Читать далее Корней Чуковский. «Высокое искусство. Принципы художественного перевода»

Ваша оценка:

Գրքերի աշխարհОставить комментарий

Ռեյ Բրեդբերի «451 աստիճան ըստ ֆարենհայթի»

armineh

Ի՞նչ կպատահի յուրաքանչյուրիս հետ, եթե պատկերացնենք, որ կարող է գալ այնպիսի մի պահ, երբ բոլորիս համար այսօր հասանելի գիտելիքի դռները կփակվեն հավետ։ Ի՞նչ կզգանք, ինչպե՞ս կշարունակենք ապրել, կմնան արդյո՞ք մեր արժեքներն ու առաջնահերթությունները նույնը, թե՞ ինչ-որ բան կփոխվի մեր կյանքում։ Եվ առհասարակ ի՞նչ արժեք ունի գիրքն ու գիտելիքն այսօր, երբ այն հասանելի է բոլորին։ Ի՞նչ դեր է կատարում այն յուրաքանչյուրիս կյանքում։ Կարծում եմ՝ շատ տարբեր։ «451 աստիճան ըստ ֆարենհայթի» գրքում Բրեդբերին նկարագրում է ընթերցասերների դժոխքը։ Ֆանտաստիկայի ժանրի այս ստեղծագործությունը մի իրողության մասին է, որում մեծագույն չարիքը համարվում է գիրքը, լրջագույն հանցագործերը՝ նրանք, ովքեր փորձում են ընթերցել և պահպանել գրքերը, կարևորագույն … Читать далее Ռեյ Բրեդբերի «451 աստիճան ըստ ֆարենհայթի»

Ваша оценка:

Գրքերի աշխարհОставить комментарий

Անտուան Դը Սենտ Էքզյուպերի «Մարդկանց երկիր»

armineh

Անկասկած, յուրաքանչյուր ընթերցասերի սրտում գիրքն արդեն իսկ արձագանք կգտնի, եթե պարզապես ասենք, որ այն ևս մեկ ստեղծագործություն է՝ գրված «Փոքրիկ Իշխան»-ի հեղինակի կողմից, մի քիչ էլ զրույց Փոքրիկ Իշխանի ոգով՝ նույնքան գեղեցիկ, նույնքան խորը, նույնքան պարզ, նույնքան ճշմարիտ, նույնքան երգեցիկ… Գուցե շատերի համար այսքանը բավական լինի, բայցևայնպես ես մի քանի խոսք էլ կգրեմ: Ինչպես գիտենք Էկզյուպերին օդաչու է, և իր ներաշխարհի խորությունից ու հոգու բարձրությունից նա նայում է օգաչուի՝ արկածներով ու վտանգներով լի, բայց և ուրիշների համար անհասանելի, անսահման գեղեցիկ հորիզոններ բացահայտող կյանքին: Եվ այդ կյանքը այս գրքի միջոցով, որը նման է կամ գուցե և հանդիսանում  է  էջեր հեղինակի օրագրից … Читать далее Անտուան Դը Սենտ Էքզյուպերի «Մարդկանց երկիր»

Ваша оценка:

Գրքերի աշխարհОставить комментарий

6 հիանալի գրքեր, որ կարդացել եմ այս ձմռան ընթացքում

armineh

Իմաստ հաղորդել յուրաքանչյուր օրվան, հետաքրքիր դարձնել անցնող ցանկացած ժամը, լցնել և հարստացնել մեզ, պատասխանել մեր հարցերին և առիթ հանդիսանալ նոր մտորումների համար․․․ Այս ամենն անում է ճիշտ պահին մեզ հանդիպած գիրքը։ Եվ մեծ օրհնություն է կյանքի ցանկացած փուլում ունենալ այդպիսի գրքեր։ Ահա մի քանի հրաշալի գրքեր, որոնք այս ձմռան ընթացքում «ճիշտ պահերին» հայտնվել են իմ ձեռքում․․․ Рами Блект. Три энергии. Рами Блект. Алхимия общения. Элиф Шафак «Стамбульский бастард» Валерий Синельников. Возлюби болезнь свою Харуки Мураками «О чем я говорю, когда говорю о беге» Дипак Чопра. Тело и ум, неподвластные времени. Читать далее 6 հիանալի գրքեր, որ կարդացել եմ այս ձմռան ընթացքում

Ваша оценка:

Գրքերի աշխարհОставить комментарий

Рами Блект. Алхимия общения. Искусство слышать и быть услышанным. Избранные притчи.

armineh

Լսելու ունակությունը չափազանց կարևոր է… Չէ՞ որ տիեզերքն ամեն պահի խոսում է մեզ հետ՝ մարդկանց, բնության երևույթների, ամենատարբեր ձայների միջոցով: Եվ միայն լսել կարողանալու դեպքում ՝մենք կարող ենք տիեզերքին համահունչ ապրել: Այս գիրքը լսելու արվեսի մասին է, իսկ ավելի լայն իմաստով՝ ներդաշնակ հարաբերություններ ստեղծելու և պահպանելու մասին, նախևառաջ՝ ինքներս մեզ հետ, ապա՝ այլ մարդկանց: Ասել, որ գիրքը լի է իմաստուն մտքերով, այն չի լինի… Այս գիրքն ինքնին իմաստություն է: Գիրքն, իհարկե, փոխանցում է բազմաթիվ պրակտիկ հմտություններ, որոնք կօգնեն իսկապես կարողանալ  լսել և կառուցել խոսքը, արդյունավետ հարաբերություններ ստեղծել կյանքի բոլոր ոլորտներում՝ անձնական, աշխատանքային, ընկերական… Սակայն… առաջին հերթին՝ հեղինակը  զինում է մեզ … Читать далее Рами Блект. Алхимия общения. Искусство слышать и быть услышанным. Избранные притчи.

Ваша оценка:

Գրքերի աշխարհОставить комментарий

Էլիֆ Շաֆաք «Ստամբուլի բիճը»

armineh

Հետաքրքրությամբ ընթերցվող այս գիրքը հիանալի կերպով ցույց է տալիս, թե որքան մեծ կարող է լինել գեղարվեստական գրականության դերն ընթերցողին տարբեր երկրների, տարբեր ժամանակների մշակույթին և պատմական իրադարձություններին ծանոթացնելու գործում։ Գիրքը միմյանց հետ հետաքրքիր ձևով կապված երկու՝ հայ և թուրք ընտանիքների կյանքի պատմությունն է՝ 4 սերունդ շարունակ։ Հիմնական իրադարձությունները թեև ծավալվում են մեր օրերում, գիրքը հոյակապ անդրադարձ է կատարում 1915թ․-ին թուրքերի կողմից հայերի նկատմամբ կատարված անմարդկային գործողություններին։ Անցյալը, կարելի է ասել, այս գրքի առանցքն է, որը ներկայացված է համակողմանիորեն և օբյեկտիվ։ Այդ փաստն առավել ուշագրավ և հիացնող է, քանի որ հեղինակը, լինելով թրքուհի, կարողացել է անվերապահ գտնվել պատմությունը ներկայացնելու հարցում։ Պատմական … Читать далее Էլիֆ Շաֆաք «Ստամբուլի բիճը»

Ваша оценка:

Գրքերի աշխարհОставить комментарий

Рами Блект․ Три энергии. Забытые каноны здоровья и гармонии

armineh

Լավի ու վատի մասին յուրաքանչյուրս ի սկզբանե ունենք մեր պատկերացումները, ըստ այդմ՝ որոշ մտքեր, գործողություններ, սովորություններ, զգացողություններ, մարդկանց փորձում ենք դուրս մղել մեր կյանքից, իսկ որոշներն՝ ավելացնել: Իսկ նրանց, ովքեր ինչ-որ կերպ առնչվել են հոգևոր գիտելիքին, ծանոթ է առօրյա  «լավ» ու «վատ» հասկացությունների համարժեք՝ երեք գունաների երևույթը՝ տամաս, ռաջաս և սատվա: Տամասը ցածրագույն էներգիան է՝ քայքայումը, անգործությունն ու կործանումը, ռաջասը՝ կրքի, ակտիվության և նյութական ձգտումների էրերգիան է, իսկ սատվան բարձրագույն էներգիան է՝ ներդաշնակությունը, հանդարտությունը, ներքին խաղաղությունը: Ուզենք, թե՝ ոչ, մեր յուրաքանչյուր միտք, խոսք կամ արարք պատկանում է այս կամ այն գունային  և համապատասխան ազդեցությունն է ունենում մեր կյանքի վրա: Ռամի … Читать далее Рами Блект․ Три энергии. Забытые каноны здоровья и гармонии

Ваша оценка:

Գրքերի աշխարհОставить комментарий

Валерия Синельников. Возлюби болезнь свою

armineh

Մեր մարմինը մեր հոգու տունն է: Այն տաճար է, որի մասին հոգ տալը յուրաքանչյուրիս սուրբ պարտականությունն է: Իսկ ինչպես լավագույնս կատարել այդ պարտականությունը, օգնում է հասկանալ այս գիրքը: Բժիշկ, հոգոթերապևտ, գրող Սինելնիկովը ապացուցում է, որ մեր մարմինը արտացոլում է մեր մտքերը, զգացողությունները, խոսքերը, այլ խոսքերով՝ այն ամենն, ինչ անում, ասում և զգում ենք… Ցանկացած հիվանդություն և ֆիզիկական խնդիր, որ ունենք կյանքում, ինքներս ենք ստեղծել նախևառաջ  մեր մտքերով և մեր մտքերով էլ կարող ենք վերացնել այն: Ստացվում է՝ մեր դերը շատ ավելի մեծ է մեր առողջությունը և առհասարակ կյանքը կառավարելու հարցում, քան շատերիս կարող է թվալ: Գիրքը նրանց համար է, ովքեր … Читать далее Валерия Синельников. Возлюби болезнь свою

Ваша оценка: