Յուրաքանչյուր հասարակությունում ամուսնական հարաբերություններն ասոցացվում են զանազան պայմանականությունների հետ՝ ե՞րբ, ո՞ր տարիքում, ի՞նչ պայմաններում, ինչպիսի՞ մարդու հետ ամուսնանալ և այլն: Խոսքն ավանդույթների և մարդկանց մտքերում կարծրացած որոշակի պատկերացումների մասին է, որոնք ոչ միշտ են համահունչ բնության օրենքներին և Աստվածային իրողությանը: Եվ, տարվելով այս պայմանականություններով, մարդիկ հաճախ բաց են թողնում կարևորագույնը՝ բոլոր տեսակի հարաբերությունների հոգևոր էությունն ու հիմնական դասը, այն է՝ սովորել սիրել: Սա այն դասն է, որը յուրացնելու համար ենք մենք բոլորս այստեղ, իսկ մարդկային հարաբությունները, ներառյալ՝ ընտանիքը, ընդամենը դրան նպաստող միջավայր են:
Ռամի Բլեկտի այս գրքում դիտարկվում են ամուսնության ամենատարբեր ձևերը, ներառյալ՝ բազմամուսնությունը, ամուսնական կյանքի բոլոր ասպեկտները՝ սեքսուալ հարաբերությունները, ընտանիքի անդամներից յուրաքանչյուրի դերն ու ճիշտ վարվելաձևն այս կամ այն իրավիճակում, մոնոգամիայի և պոլիգամիայի հարցը և այլն: Եվ այս ամենը դիտակվում է հոգևոր տեսանկյունից, այնպես, ինչպես ի վերուստ է նախատեսված մարդու երջանկության համար: Եվ դա միակ մոտեցումն է, որն օգնում է տեսնել իրերի խորքային էությունը, և գիտակցված մոտենալ հարաբերություններին՝ դրանց միջոցով ապահովելով մեր գոյության կարևորագույն նպատակը՝ հոգևոր զարգացումը։
Արմինե Հակոբյանի ստեղծագործական բլոգ 