Յուրաքանչյուր ոք, ով եկել է այս աշխարհ, ունի մի կարևոր առաքելություն, և եթե նա գնում է իր առաքելության կատարման ճանապարհով, վերին ուժերը նրան միշտ աջակցում և ուղղորդում են։
«Վերածնունդ» վեպի հերոսի՝ Հայկի առաքելությունը հայրենիքի պաշտպանությունն է , և տղան, անձնվեր կատարելով իր Գործը, քաջության և հաղթանակի գերագույն Աստված Վահագնի կողմից գերբնական ուժ է ստանում, ինչի շնորհիվ ունակ է դառնում հասարակ մահկանացուի համար անհնար թվացող քաջագործությունների։
Վեպն իր ձևով՝ Ֆենթըզի, իսկ բովանդակությամբ ոչ այլ ինչ, քան տիեզերական իրողություն է։
Հայրենասիրական ոգով գրված այս ստեղծագործությունը հիշեցնում է կարևորագույն արժեքների մասին, ընթերցողին հավատ ու ուժ ներշնչում։
Թեև վեպն անդրադարնում է ծանր թեմաների, բարության մթնոլորտն իշխում է բոլոր դրվագներում։ Եվ ընթերցանությունը բացառապես դրական զգացողություններ է փոխանցում։
Միանշանակ խորհուրդ կտամ յուրաքանչյուրին ընթերցել ներկայում այդքան արդիական այս ստեղծագործությունը, իսկ հեղինակին՝ շնորհակալություն հրաշալի աշխատանքի համար։
Արմինե Հակոբյանի ստեղծագործական բլոգ 