Ի ՞նչ է իմ կյանքը հիմա…
Անցնող օրեր ուղղակի
Կամ…այլ խոսքերով այն մի ճամպրուկ է, լի ամեն ինչով
Գործով այն էլ շատ, մարդկանցով լավ ու վատ
Փողով քիչ թե շատ
Եվ գնում եմ ես, անցնում եմ իմ ուղին ես այդ ճամպրուկով`
Լի անպետք մի շարք պարագաներով
Եվ ի՞ նչ չկա այս ճամպրուկում
Ընդամենը մի բան չկա
Կամ էլ չկա ոչինչ ինձ պիտանի
Ներշնչանքի աղբյուր չկա
Ներշնչվում ենք մենք զգացմունքից
Ոչ թե սիրուց, այլ ցանկացած
Զուտ զգացմունքից
Զգացմունք ծնող ոչինչ չկա ուսիս բարձած այս ճամպրուկում
Չկա մի բան, որ հիացնի կամ զարմացնի,
իմանալու զուտ ցանկություն առաջացնի,
ուրախացնի կամ տխրեցնի
Լինի այն նոր, չտեսնված կամ էլ գոնե հետաքրքիր
Ներշնչանքի աղբյուր չկա
Ուստի կյանքին իմաստ տվող ոչինչ չկա այս ճամպրուկում
Եվ «ի՞ նչ է կյանքն իմ հիմա » հարցին
Նորից ասեմ, որ մի ճամպրուկ է, ուսիս բեռնած ու լի ճամպրուկ
Սակայն մի բան չկա այստեղ
Չկա իմաստ այս ճամպրուկում
Չկա ցավոք և ժամանակ
Չեղածը գտնելու կամ էլ գոնե փնտրելու համար…
Անպետք պարագաները շատ են ժամանակատար
Եվ հանելով իմ ճամպրուկից այս մեկ ժամը`
սրտիս լսեցի և կյաքնից ի սրտե ես բողոքեցի…
Ես այսպես ապրում եմ արդեն մեկ տարի
Եվ սա է կյանքը
Այլընտրանք չունի…
Արմինե Հակոբյանի ստեղծագործական բլոգ 
Կյանքը և դա է, և` ոչ: Այդ տեսակի կյանքը ունի շատ և շատ «Այլընտրանք»-ներ, դրանցից ճիշտը գտնելու դեպքում, կարելի է հասնել լիակատար երջանկության: Ես դա եմ ցանկանում քեզ:
НравитсяНравится