Այն պահից, երբ մենք այլ մարդու գոյությունը մեր կյանքում դիտարկում ենք որպես ինքստինքյան ենթադրվող մի բան, որպես փաստ, որն անփոփոխ է, մեր հարաբերություններում սկսվում է դեպի փակուղի տանող ճանապարհը: Մենք դադարում ենք միմյանց շնորհակալ լինել փոքր բաների համար, դադարում ենք ձգտել որևէ բանի հանուն մեկս մյուսի, դադարում ենք հանուն երկուսով ստեղծած «մենք»-ի որևէ հատուկ գործողություն անել… Հանգչում է մի ժամանակ անմար թվացող կրակը է… Նախկին ոգևորությանը փոխարինում է անընդհատ կուտակվող վիրավորվածությունն ու չգնահատվածության զգացումը… Այս ամենն անխուսափելիորեն բերում է մեծ վեճի… Իսկ վեճից հետո…
Այս դրամայում ընդամենը երկու հերոս կա՝ ամուսիններ: Ներկայացվում է նրանց կյանքից երկու ժամ , ընդամենը երկուժամյա խոսակցություն, որը կարող է այնքան հոգեհարազատ լինել…
Վայելեք այս յուրահատուկ ֆիլմը, որը հնարավոր է շատ հարցերի պատասխաններ պարունակի զուգընկերոջ հետ հարաբերությունների դժվար փուլում գտնվող մարդկանց համար:
Արմինե Հակոբյանի ստեղծագործական բլոգ 