Մարդը միշտ մեծամտորեն է վերաբերվում հոգեբանական այն խնդիրներին, որոնք նա չունի։ Իսկ չունենալուց ունենալ ճանապարհը, հաճախ, այնքան կարճ է։ Եվ որևէ մեկն ապահովագրված չէ այդ ճանապարհից։
Սերիալը դրամատիկ պատմություն է կնոջ մասին, ով երեխաների հետ միասին ավտովթարի է ենթարկվել․ վթար, որը երբեք պատահաբար կամ անզգույշությամբ չէր կարող տեղի ունենալ։ Եվ դատական հոգեբանն, աշխատելով կնոջ հետ, փորձում է հասկանալ նման արարքի դրդապատճառները և այն, թե ինչ վիճակում է իրականում կնոջ հոգեկան առողջությունը։
Սերիալի ընթացքը լարված և հետաքրքիր է, իսկ ավարտը՝ իրական և ուսուցանող։
Սա այն ֆիլմերից է , որ կոչ է անում կարեկցանքի ու ապրումակցման զգացմանը և միմյանց հասկանալու պատրաստակամությանն անգամ ամենաանհասկանալի իրավիճակներում։
Արժանի սերիալ, որն առաջարկում են դիտել «իսկապես լուրջ որևէ բան դիտելու տրամադրության» դեպքում։
Արմինե Հակոբյանի ստեղծագործական բլոգ 