Ուրիշները մեր կենսական էներգիայի աղբյուրն են և մեր դատարկվածության պատճառը։ Ուրիշները մեր իրական երջանկությունն ու մեծագույն ցավն են։ Ուրիշները հաճախ մեզ կործանող զենքն են , բայց և առանց ուրիշների չկա մխիթարանք։ Ցանկացած պարգև և դաս կյանքում մեզ տրվում է ուրիշների միջոցով։
Ֆիլմի հերոսուհին, ում մարմնավորում է հենց ֆիլմի ռեժիսոր Ռոբին Ռայթը, մեծագույն կորստից հետո «իր խնդիրները լուծելու» համար որոշում է հեռանալ բոլորից և մեկուսանալ անմարդաբնակ, վայրի բնության գրկում։ Ուրիշներից հետու նա փորձում է հաղթահարել իր ցավը կամ էլ գուցե պարզապես փախչել, հեռանալ, վերանալ․․․ Բայց արդյո՞ք ամեն ինչ ըստ նրա ծրագրածի է ընթանում։
2021 թվականի այս դրաման մեզ համար բացում է դեպի ապրելու ցանկության վերադարձը տանող ևս մեկ արահետ Եվ աննկատ հաղորդում է մեզ ․ «Նորից սկսելը հնարավոր է անգամ անդունդի եզրից․․․ նորից ժպտակը, լիաթոք շնչելը, նորից հաճույքով ուտելը, երբ արդեն մոռացել էիր ամեն ինչի համը, նորից զգալը, սիրելը, կարոտելը․․.
Արմինե Հակոբյանի ստեղծագործական բլոգ 