Որքան հարցեր կան կյանքում, որոնք հաճախ ինքներս մեզ տալիս ենք։ Եվ որքան կցանկանայինք, որպեսզի լիներ մեկը, ով կկարողանար պատասխանել մեր բոլոր հարցերին․նա, ով ավելի փորձառու է, ավելի իմաստուն, նա, ով զգացել է այն, ինչին մենք դեռ չենք հասել… որքան կցանկանայինք ապրել այնպես, որպեսզի հետո փոշմանելու բան քիչ լիներ։
Գիրքը իրական պատմություն է, որը, ասես, կյանքի մասին խորը և զգացմունքային դասախոսություն լինի Ուսուցչի կողմից (հեղինակի սոցիոլոգիայի դասախոսի), ով շուտով պատրաստվում է լքել կյանքը և իր կյանքի վերջին ամիսներին տեսնում է ամեն բան կյանքում այլ կերպ` ավելի բաց աչքերով և բաց սրտով:
Սա այն գրքերից է, որը գրավում է հենց միանգամից. առաջին իսկ տողերից լիովին ընկղմվում ես գրքի բովանդակության մեջ, զգում և ապրում ես այս տխուր, միևնույն ժամանակ այդքան իմաստալից և ուսուցանող պատմությունը հեղինակի հետ միասին։
Արմինե Հակոբյանի ստեղծագործական բլոգ 