Կարելի է ամուսնանալ առանց մեծ զգացմունքների: Կարելի է ամբողջ կյանքում համատեղ ապրել բարձր արժանիքներ ունեցող մարդու հետ, հարգելով և լինելով սիրված և այդ ամենով հանդերձ՝ չլինել դժբախտ: Բայց կան մարդիկ, ովքեր պարզապես չեն ապրում առանց սիրելու: Եվ անկախ ամուսնական կարգավիճակից՝ նրանք փնտրում են սերն ամենուր, գտնում են անգամ ամենաանհավանական աղբյուրներում, չգտնելու դեպքում էլ՝ հորինում են այն:
Թեև շատերն են համարում, որ սերը դասում են կյանքում ամենից վեր, իրական կախյալություն ուժեղ զգացմունքներից եզակիներն ունեն… Այս մարդիկ տարբերվում են մեծամասնությունից, նրանք պրակտիկ չեն, հետաքրքրված չեն կենցաղով, իրենց որոշումներում հաճախ իռացիոնալ են … մնացածի համար նրանք յուրահատուկ են, արտասովոր, տարօրինակ…
Այս ֆիլմը հենց այդպիսի կնոջ մասին է, ով ամուսնանում է չսիրելով և գտնում է սերն ամուսնությունից դուրս: Ստանդարտ սյուժե, սակայն խիստ ոչ ստանդարտ ֆիլմ, որը կհիշվի իր յուրահատուկ մթնոլորտով և իմասնալից հանգուցալուծմամբ:
Արմինե Հակոբյանի ստեղծագործական բլոգ 