Ամենալուրջ ճգնաժամն ամուսնությունն է, ամենաբարդ դուրս բերվող բանաձևն՝ ամուսնական կյանքում երջանիկ լինելու բանաձևը։
Թեև ամուսնությունը մինչ այսօր հասարակության կյանքի և սերնդափոխության միակ ինստիտուցիոնալ ձևն է, ամուսնությունն ինքնին հեռու է կատարյալ երևույթ լինելուց։
Մինչ ամուսնությունը մեր կյանքում կա միայն «Ես»- ը՝ իր կենսակերպով և արժեքներով, ամուսնությունից հետո հայտնվում է «Մենք»-ը։ Եվ շատերի համար ամուսնությունը հենց անցում է «Ես»-ից դեպի «Մենք»։ Այնինչ խնդիրը նրանում է, որ «Մենք»-ը չպետք է վերացնի կամ հիմնովին փոխի «Ես»-ը։ «Ես»-ը պետք է ապրի «Մենք»-ի մեջ ու «Մենք»-ին զուգահեռ։ Իսկ դա դժվար է․․․ Արդյունքում՝ ամուսնական կյանքը լի է կոնֆլիկտներով՝ թե ներքին և թե արտաքին, դժվարություններով ու անլուծելի թվացող խնդիրներով․․․
Այսօր ներկայացնում եմ ֆիլմարվեստի լավագույն նմուշները ամուսնական կյանքի բարդությունների և ճգնաժամային պահերի մասին։ Այս ֆիլմերը բավականին բարդ, դեպրեսիվ, միևնույն ժամանակ՝ կյանքին մոտ ֆիլմեր են, որոնք միանշանակորեն արժե դիտել։
Արմինե Հակոբյանի ստեղծագործական բլոգ 