Կյանքում հանդիպումները բազմաթիվ են՝ ամեն օր և ամեուր՝ փողոցում, խանութում, աշխատավայրում.. Հանդիպումների մեծ մասը գրեթե անհետևանք են, իսկ որոշ հանդիպումներ ճակատագրական են առաջին իսկ պահից: Եվ միշտ է արդյո՞ք բացատրելի մեզ համար, թե ինչու հենց այս հանդիպումն ու հենց այս մարդը…
Այս հարցերի պատասխանները չես գտնի բոլորին հասանելի գիտելիքների մեջ…
Եվ հաստատ կա մի բան, որը մենք չգիտենք…
«Я-начало» ֆիլմը հենց այդ բանի մասին է. ո՞վ ենք մենք, որտե՞ղ էինք առաջ և ու՞ր ենք գնալու հետո:
Ֆիլմը պարզապես հոյակապ է՝ իր գաղափարով ու գաղափարի մատուցման ձևով, սցենարով, երաժշտությամբ, տեսարաններով ու երկխոսություններով:
Ընտրեք հենց այս ֆիլմն այսօր դիտելու համար, եթե տրամադրված եք ֆիլմը դիտելուն տրվել ամբողջ էությամբ և ուշադրությամբ:
Իսկ եթե փնտրում եք ուղղակի թեթև, ֆոնային «ֆիլմ կողքից» դիտելու համար, այս ֆիլմը թողեք մեկ այլ անգամվա համար:
Արմինե Հակոբյանի ստեղծագործական բլոգ 