Սերիալ-գլուխգործոց կանանց մասին և կանանց համար…
Այստեղ մեր աշխարհն է՝ մեր տղամարդիկ, բոլոր հնարավոր հարաբերությունները նրանց հետ, մեր զգացմունքներն ու ապրումները, մեր խոսակցություններն ու մտքերը և, իհարկե, մեր ընկերությունը․․․ Այստեղ այն ամենն է, ինչը կա մեր կյանքում և ինչը կարևոր է մեզ համար․․․ Եվ այստեղ մեր մասին ամեն ինչ հենց այնպիսին է, ինչպիսին կա իրականում։
4 ընկերուհիներ, 30+ կանայք, անթերի կերտված կերպարներ՝ միմյանցից տարբեր, յուրաքանչյուրն ամբողջական ու բնական․․․ Կերպարներ, որոնց մեջ մենք կփնտրենք և կգտնենք մեզ և մեր ընկերուհիներին և որոնք իրենք կդառնան մեր ընկերուհիները… Իսկ այս սերիալն ինքնին, կարծես, հանդիպումներ և ժամանց լինի ընկերուհիների հետ ։
6 սեզոն, յուրաքանչյուրը՝ 12 սերիա, յուրաքանչյուր սերիան՝ մոտ 25 րոպե
Խորհուրդ եմ տալիս դիտել բոլոր կանանց և, իհարկե, այն տղամարդկանց, ովքեր ջանում են և չեն կարողանում մեզանից գլուխ հանել․․․ Այդ հարցում այս սերիալը ձեզ հաստատ կօգնի, սիրելի տղամարդիկ։
Արմինե Հակոբյանի ստեղծագործական բլոգ 